Starfsleikni veitir stjórnendum og starfshópum fræðslu, ráðgjöf og handleiðslu í stjórnun og starfsleikni með námskeiðum, erindum, hóp- og einkaleiðsögn.

Fyrirtækið Starfsleikni var stofnað og hefur verið rekið af Steinunn Ingu Stefánsdóttur frá ársbyrjun 2003. Steinunn útskrifaðist stúdent frá Verzunarskóla Íslands árið 1987, með B.A. í sálfræði frá Háskóla Íslands 1994, M.Sc. í viðskiptasálfræði (business psychologist) frá University of Westminster í London árið 2001 og M.Sc. í streitufræðum (psychobiology of stress) frá University of Surrey Roehampton í London árið 2003.

Starfsleikni merkir eins og nafnið segir til um þá leikni sem stjórnendur og aðrir starfsmenn þurfa að laða fram og sýna til þess að störf skili jákvæðum árangri til langtíma litið. Í því felst að laða fram og sýna rétt viðhorf, hugsun, tilfinningar, líðan, viðbrögð og hegðun eftir því sem er viðeigandi og ákjósanlegt í störfum og starfsumhverfi við mismunandi aðstæður.

Þörf fyrir fræðslu og ráðgjöf sem byggir á hagnýtingu sálfræði til þess að efla starfsleikni er mikil. Störf og starfsumhverfi gera miklar kröfur til andlegar og félagslegar hæfni fólks. Flest sem gerist í fyrirtækjum tengist viðhorfum, hugsun, tilfinningum, líðan, viðbrögðum og hegðun fólks. Starfsleikni starfsfólks er háð því hve hæft og reiðubúið starfsfólk er til þess að tileinka sér viðeigandi hugsun, þekkingu og vinnubrögð, sýna hæfni í krefjandi samskiptum við samstarfsfólk og viðskiptavini, starfa undir miklu álagi og aðlagast síbreytilegum aðstæðum. Þess vegna kemur fræðsla og handleiðsla Starfsleikni á sviði stjórnunar, starfs- og viðskiptasálfræði að gagni. Sjá flipana hér fyrir ofan.

Styrkur Starfsleikni felst í því að vera lítið og látlaust fyrirtæki með litla yfirbyggingu og einn starfsmann sem fylgir verkefnum eftir frá hugmynd eða þarfagreiningu til lausna og eftirfylgni. Lögð er áhersla á jákvæða nálgun og uppbyggilegar aðferðir.